Geeta Kavya Madhuri

Submitted / Updated On: Monday, August 27, 2007 | Written By: Usha Sharma

Search within Feedback:

Keyword:

Param adarniya Rajiv Saxena ji, Saadar vandana. Mein aap ke is anoothe prayas ke samaksh nat mastak hun. Aap ne jis vidha se Geeta ke mahatmay ko chhand baddh kar Hindi me saral anuwad me apne is pratashthit dot com per pathakon ke sanmukh rakha hai yah vandneey hai. Aap ko hriday se sadhuwad deti hun. Aapne meri is utkantha ko chhan bhar me hi shant kar diya jo na jane kab se mere hriday me pal rahi thi - Geeta ko saral dhang se jan ne ki.

Aap ne vigyan ki padhayi karne ke bad jeeven ke sar ko ataynt sunder moti swaroop shabdon me sabko uphar swaroop pradan kar anand-anubhooti se bhar diya hai. Aaj sahitya ki dasha aur disha jo vikrat ho rahi hai, jahan bhasha aur bhavon ka swarooop bigad raha hai, vahan is pustak ko padh akr hum jan sakte hain ki sahitya hai kya .

Aap ko fir sadhwad dena chahti hun aur aap se ise apne akhbar me chhapne ki anumati chahti hun taki sameeksha se logon ko is ka gyan ho, or ve jyada se jyada ise padh kar jan saken.

Usha Sharma, Editor in-chief, Samay Srijan Times (Hindi Fortnightly)